Greiðsluskilmálar Meldu

Melda býður upp á áskriftarþjónustu sem veitir aðgang að eiginleikum fyrir viðburðastjórnun og þjónustuaðila, þ.á m.:

• Fyrirtækjalausn fyrir viðburðastjórnun með vörumerkjastýringu og fleiri eiginleikum.
• Stakar keyptar leiðir á myndavegg viðburðar (t.d. fleiri myndir og myndskeið, lengri varðveislu, eigið vörumerki). Þessi kaup eru eingreiðsla sem gildir fyrir tiltekinn viðburð og endurnýjast ekki sjálfkrafa.

Verð og lýsing hverrar áskriftarleiðar birtist á áskriftarsíðu Meldu áður en þú gengur frá skráningu. Eiginleikum kann að vera bætt við eða þeir uppfærðir á áskriftartímanum.

Öll verð sem birt eru á vefsíðu Meldu eru uppgefin í íslenskum krónum (ISK) og án virðisaukaskatts. Virðisaukaskatti (24%) er bætt við verð þjónustunnar og kemur fram á reikningi.

Reikningar eru gefnir út af Melda software ehf. og uppfylla kröfur íslenskra bókhaldslaga og laga um virðisaukaskatt.

Greiðslur eru framkvæmdar með greiðslukortum (Visa, Mastercard). Kortavinnsla fer fram í gegnum Straum hf. („Straumur"), löggiltan færsluhirði sem fer með kortaupplýsingar í samræmi við PCI-DSS staðalinn.

Melda geymir ekki kortanúmer, CVC-númer eða gildistíma korta í eigin kerfum. Straumur geymir kortaauðkenni (e. token) sem gerir Meldu kleift að framkvæma endurteknar greiðslur skv. samkomulagi okkar án þess að við höfum aðgang að kortaupplýsingunum sjálfum.

Við kortagreiðslur fer fram sterk sannvottun viðskiptavinar (PSD2/SCA) í samræmi við gildandi reglur frá Seðlabanka Íslands og ESB.

Áskriftir að þjónustu Meldu eru í boði sem mánaðaráskrift eða ársáskrift. Áskriftir eru greiddar fyrirfram og endurnýjast sjálfkrafa í lok hvers tímabils nema þeim hafi verið sagt upp fyrir endurnýjunardag.

• Mánaðaráskrift: skuldfærist sjálfkrafa á sama mánaðardegi og upphafleg skráning fór fram.
• Ársáskrift: skuldfærist sjálfkrafa á sama ársdegi og upphafleg skráning fór fram.

Þegar þú skráir þig fyrir áskrift samþykkir þú að Melda framkvæmi endurteknar skuldfærslur á það greiðslukort sem þú gafst upp, þar til áskriftinni er sagt upp.

Reikningur og kvittun fyrir hverri skuldfærslu er sendur með tölvupósti og er einnig aðgengilegur á reikningssvæði þínu á Meldu.

Þú getur uppfært, breytt eða uppfært greiðslukort í áskriftarstillingum á reikningi þínum. Ef skuldfærsla mistekst (t.d. vegna útrunnins korts eða ónógrar innstæðu) áskiljum við okkur rétt til að reyna aftur og láta þig vita með tölvupósti. Ef ekki tekst að innheimta greiðslu getur Melda lokað aðgangi að áskriftinni þar til greiðsla berst.

Breytingar á verði áskriftar verða tilkynntar með að minnsta kosti 30 daga fyrirvara með tölvupósti og á reikningssvæði þínu. Verðbreytingar taka gildi við næstu endurnýjun á eftir tilkynningu. Ef þú samþykkir ekki nýtt verð geturðu sagt upp áskriftinni áður en það tekur gildi.

Þú getur sagt upp áskrift hvenær sem er í áskriftarstillingum á reikningi þínum eða með því að senda tölvupóst á melda@melda.is.

Uppsögn tekur gildi í lok yfirstandandi áskriftartímabils. Þú heldur aðgangi að áskriftinni út tímabilið sem þegar hefur verið greitt fyrir, en ný skuldfærsla fer ekki fram.

Engar endurgreiðslur eru veittar fyrir ónotaðan hluta tímabilsins.

Áskrift að Meldu er stafræn þjónusta sem veitt er strax við skráningu. Endurgreiðslur eru ekki veittar eftir að greiðsla hefur farið fram. Þetta á við um bæði mánaðar- og ársáskriftir.

Í undantekningartilvikum getur Melda metið hvort rétt sé að veita hlutfallslega endurgreiðslu eða inneign. Slík mál eru metin í hverju tilviki fyrir sig.

Kaup á leiðum fyrir myndavegg viðburðar eru eingreiðsla fyrir tiltekinn viðburð. Verð er birt án virðisaukaskatts fyrir fyrirtæki (VSK 24% bætist við) en að meðtöldum virðisaukaskatti fyrir einstaklinga; sundurliðun kemur fram á kvittun sem send er með tölvupósti eftir greiðslu.

Varðveisla efnis. Hver keypt leið tilgreinir hve lengi efni á myndaveggnum (myndir í fullri upplausn og myndskeið) er varðveitt eftir viðburðinn. Að þeim tíma loknum er efninu eytt sjálfkrafa. Gestgjafinn getur sótt efnið hvenær sem er áður en að því kemur.

Endurgreiðsla. Sé eingreiðsla fyrir myndavegg endurgreidd færist viðburðurinn aftur á ókeypis leið og keyptir eiginleikar falla niður (t.d. aukin sætarými fyrir myndir, myndskeið og eigið vörumerki). Efni sem þegar hefur verið hlaðið upp er þó varðveitt út þann varðveislutíma sem upphaflega var greitt fyrir — endurgreiðsla styttir ekki varðveislu efnis sem þegar er komið inn.

Í tengslum við greiðslur vinnur Melda eftirfarandi upplýsingar: nafn, netfang, kennitölu, símanúmer, áskriftartegund, greiðslusögu og kortaauðkenni (token) sem Straumur útvegar. Fullar kortaupplýsingar eru aldrei geymdar hjá Meldu.

Straumur er sjálfstæður ábyrgðaraðili kortagreiðslna en jafnframt vinnsluaðili Meldu þegar kemur að geymslu kortaauðkenna fyrir endurteknar áskriftargreiðslur. Sjá nánar í persónuverndarstefnu Meldu.

Melda gefur út rafræna reikninga sem geymdir eru á reikningssvæði notenda og sendir afrit með tölvupósti á það netfang sem skráð er á reikning. Reikningar eru varðveittir í að lágmarki 7 ár í samræmi við ákvæði laga nr. 145/1994 um bókhald.

Tilkynningar sem varða greiðslur, endurnýjun, skuldfærslur og breytingar á þessum greiðsluskilmálum eru sendar með tölvupósti á það netfang sem skráð er á reikning þinn. Það er á ábyrgð notanda að halda netfanginu uppfærðu.

Þessir greiðsluskilmálar lúta íslenskum lögum. Ágreiningi sem kann að rísa vegna skilmálanna skal vísa til Héraðsdóms Reykjavíkur.

Spurningar um greiðslur, áskriftir eða reikninga má senda á: