Um salinn

Ingólfshvoll er staðsett rétt fyrir utan Hveragerði, aðeins í 30 mínútna akstursfjarlægð frá Reykjavík, og býður upp á fullkomna blöndu af þægindum og aðgengi sem gerir það að frábærum vettvangi fyrir fjölbreyttar samkomur. Veislusalurinn er tvískiptur og getur tekið á móti allt að 200 manns til borðs. Hann er fallega innréttaður og býður upp á setustofu og bar, sem skapa hlýlegt og móttækilegt andrúmsloft. Annar hluti salarins er tilvalinn sem forsalur þar sem hægt er að bjóða upp á léttar veitingar, fordrykk og ljósmyndakassa, áður en upp er dekkað fyrir allt að 120 manns í aðalveislusalnum. Einnig er mögulegt að dekka upp í báðum rýmum og hýsa þannig allt að 200 manns í einu. Ingólfshvoll býður sveigjanleika þegar kemur að veitingum; gestir geta leigt salinn án veitinga og nýtt veislueldhúsið til undirbúnings. Fyrir þá sem kjósa að kaupa veitingar á staðnum er í boði vönduð veisluþjónusta sem tryggir eftirminnilega upplifun fyrir alla gesti.

Staðsetning