Um salinn

Skátamiðstöðin í Hraunbæ býður upp á rúmgóðan og bjartan veislusal og fundarsal sem tekur allt að 70 manns í sæti. Salurinn er fallega innréttaður með þægilegum stólum og borðum sem hægt er að raða á margvíslegan hátt, hvort sem um er að ræða langborð fyrir veislur, skólastofuuppstillingu fyrir fundi eða leikhúsuppstillingu fyrir fundi og fyrirlestra. Í salnum er öflugur skjávarpi, stórt sýningartjald og hljóðkerfi sem hentar bæði fyrir ræður og tónlist. Aðstaðan er einstaklega aðgengileg, með nægum bílastæðum framan við húsið og lyftu upp á aðra hæð þar sem salurinn er staðsettur. Einnig er hægt að ganga út á litla verönd beint frá salnum, sem gefur rýminu aukið notagildi. Á staðnum er móttökueldhús með leirtaui, uppþvottavél, hellu og kaffivél, sem auðveldar undirbúning og framreiðslu. Salurinn hentar einstaklega vel fyrir fermingarveislur, skírnarveislur, erfidrykkjur og aðrar veislur þar sem ekki er boðið upp á áfengi, þar sem slíkt er ekki leyft í salnum. Einnig er hann kjörinn fyrir fundi, húsfundi, fyrirlestra, námskeið, kennslu og minni ráðstefnur. Rýmið nýtist jafnframt vel fyrir danskennslu, jóganámskeið og fjölbreytta aðra viðburði. Skátamiðstöðin í Hraunbæ er því fjölnota salur sem býður upp á sveigjanleika og góða aðstöðu fyrir ýmiskonar samkomur.

Staðsetning