Um salinn

Skíðaskálinn í Hveradölum er einstakur staður til að njóta samveru í fallegu og friðsælu umhverfi. Skálinn rúmar allt að 350 gesti í sæti, skipt á fjóra fjölbreytta veislusali sem henta hópum frá 50 upp í 170 manns. Gamla stofan, Koníaksstofan, Arinstofan og Betri stofan eru allir vel útbúnir og skapa hlýlegt andrúmsloft fyrir hvers kyns samkomur. Skíðaskálinn er tilvalinn fyrir afmæli, árshátíðir, brúðkaup eða fermingarveislur. Hér er lögð áhersla á að bjóða bæði alþjóðlega rétti og ekta íslenskan og þjóðlegan mat. Sérstaklega eru lambakjöts- og fiskihlaðborðin í Skíðaskálanum þekkt fyrir gæði og fjölbreytileika. Matseðill skálans kemur gestum skemmtilega á óvart, og úrval eftirrétta lætur engan ósnortinn. Hvort sem leitað er að rétta staðnum fyrir veislur eða minni samkomur, býður Skíðaskálinn í Hveradölum upp á frábæra aðstöðu og einstaka matarupplifun í fögru umhverfi.

Staðsetning