Um salinn

Stóri salur Borgarleikhússins er einn fullkomnasti viðburðasalur landsins og býður upp á glæsilega umgjörð fyrir ráðstefnur, fundi, tónleika og aðra viðburði. Salurinn tekur 547 gesti í sæti og státar af einu best búna viðburðasviði landsins. Hljóðkerfi, ljósabúnaður og myndbúnaður eru fyrsta flokks, sem tryggir framúrskarandi upplifun hvort sem um er að ræða fundi eða kraftmikla rokktónleika. Á sviðinu er hringsvið með 14 metra þvermál og yfir því er flugráarkerfi með 36 rám, sem veitir mikla möguleika fyrir fjölbreytta uppsetningu og framsetningu viðburða. Forsalur Borgarleikhússins er rúmgóður og glæsilegur, búinn borðum og stólum fyrir sitjandi borðhald, auk þægilegra sófa og hlýlegra setkróka sem skapa notalegt andrúmsloft. Í salnum er einnig glæsilegur bar og góð aðstaða til að bera fram matarveitingar, sem gerir Stóra salinn að fullkomnu vali fyrir fjölbreytta viðburði.

Staðsetning