Um salinn

Kaldalón er minnsti salurinn í Hörpu og er staðsettur á fyrstu hæð hússins. Salurinn hentar einstaklega vel fyrir tónleika, ráðstefnur, fundi, kvikmyndasýningar og fyrirlestra. Kaldalón rúmar allt að 195 gesti í sæti og er 198 m² að stærð með glæsilega 8 metra lofthæð sem gefur rýminu einstakt yfirbragð. Sætin eru föst og hallandi að sviði til að tryggja góða sýn fyrir alla gesti, auk þess sem felliborð eru við hvert sæti. Sviðið er færanlegt og einnig er hægt að nýta gólfið sem svið ef þess er óskað. Salurinn er afar vel búinn tækjum, þar á meðal með tengibrunnum fyrir tölvur og rafmagn, upptökubúnaði og búnaði fyrir kvikmyndasýningar. Einnig er hægt að stilla ómunartíma salarins eftir þörfum viðburðarins. Kaldalón býður upp á fjölbreytta möguleika fyrir viðburðahald og er kjörinn kostur fyrir þá sem vilja hlýlegt, nútímalegt og vel útbúið rými fyrir minni viðburði.

Staðsetning