Þú sendir út boðin og innan klukkustundar byrjar spurningaflaumurinn. „Er frítt bílastæði nálægt veislunni?“ kemur í SMS. „Er í lagi að koma með krakka?“ á Instagram messengernum. „Hvenær gerirðu ráð fyrir að veislunni ljúki, ég er nefnilega að fara á fótboltamót klukkan 4?“ í tölvupósti. „Er í lagi að vinkona stelpunnar minnar komi með?“ Þú svarar sömu spurningunum mörgum sinnum, á fjórum stöðum og yfirsýnin verður undir.
Það sem er pirrandi er að þú veist alveg hvað fólk mun spyrja um, og stór hluti af því að vera góður gestgjafi er að upplýsa gestina eins vel og hægt er.
Melda er með spurt-og-svarað reiti
Nú getur þú sett upp svör við fyrirsjáanlegum spurningum á viðburðinum þínum. Þú skrifar spurninguna og svarið, og það birtist beint á gestasíðunni, þar sem gestirnir hafa alltaf aðgang að þeim upplýsingum. Í stað þess að elta svörin uppi í skilaboðum sjá gestirnir þau strax, á sínum forsendum, áður en þeir spyrja.
Hvernig virkar spurt og svarað?
- Svörin þar sem gestirnir eru. Allar spurningarnar birtast á gestasíðu viðburðarins, í snyrtilegum lista sem opnast þegar smellt er á spurninguna.
- Mikilvægustu atriðin efst. Þú dregur spurningarnar til og setur þær mikilvægustu efst. Upplýsingar um gistingu fyrst, klæðaburðurinn næst og svo upplýsingar fyrir þá sem vilja halda ræðu eða vera með skemmtiatriði.
- Þú getur skrifað ítarleg svör. Svarið er ekki bara ein lína. Þú getur sett inn hlekk á kort, feitletrað það sem skiptir máli og skrifað eins langt svar og þú vilt.
Dæmi um góðar spurningar
Þú þekkir gestina þína, en hér eru þær sem koma næstum alltaf:
- „Er bílastæði við staðinn?“ „Já, frítt bílastæði er bak við húsið. Ef það fyllist er gjaldfrjálst stæði við skólann í hverfinu.“
- „Má ég koma með börnin?“ „Endilega. Það verður barnahorn með dóti og fyrsta hæðin er öll á sléttu.“
- „Er þema í klæðaburði?“ „Snyrtilegt en afslappað. Þú þarft ekki jakkaföt, en kannski ekki stuttbuxur heldur.“
- „Hvenær lýkur veislunni?“ „Dagskránni lýkur um klukkan 23, en barinn er opinn til miðnættis og við ætlum að dansa fram á nótt.“
- „Er hægt að fá mat fyrir grænkera?“ „Já, við erum með grænkeraval. Láttu okkur vita í meldingunni ef þú vilt það.“
Hvernig á að byrja
- Opnaðu viðburðinn þinn í Melda eða stofnaðu nýjan.
- Opnaðu „Algengar spurningar“ á viðburðarsíðunni og smelltu á „Bæta við spurningu“.
- Skrifaðu spurninguna og svarið og veldu hvort spurningin eigi líka að birtast á skráningarsíðunni.
- Dragðu til og raðaðu spurningunum í þá röð sem þér finnst best.
Það tekur nokkrar mínútur og sparar þér tuttugu skilaboð. Búðu til viðburð í Melda á tveimur mínútum, fylltu inn spurningarnar sem þú veist að fólk ætlar að spyrja, og haltu svo áfram með það sem raunverulega skiptir máli.
Algengar spurningar eru hluti af sama pakkanum og gestalistinn og viðburðastjórnunin í Melda: allt sem gestirnir þurfa að vita á einum stað, og þú laus við að endurtaka þig.
Ef þú ert með spurningar máttu endilega heyra í okkur. Sendu okkur línu á melda@melda.is.
