Þú heldur opna húsgagnakynningu, opnar nýjan sýningarsal eða býður viðskiptavinum í síðdegiskaffi. Þú vilt hitta fólkið sem þú hefur unnið með, sýna því hvað er nýtt og mynda djúpa tengingu við þá sem þú þekkir, en ekki síst þá sem þú þekkir ekki innan fyrirtækjanna sem eru í viðskiptum við þig.
Til þess þarf boðið að berast, viðburðurinn að haldast í minni og nýtt fólk að finna að það sé velkomið. Þar kemur Melda að góðum notum.
Fólk skiptir um vinnu. Tengslin geta haldið áfram.
Hönnuðurinn sem þú vannst með í fyrra er kominn á nýja stofu. Netfangið á gamla gestalistanum þínum er hætt að virka, en símanúmerið er enn það sama. Þið þekkist ennþá, og viðskiptavinur sem skiptir um vinnustað opnar einfaldlega ný tækifæri.
Þess vegna notum við SMS í Meldu. Fólk skiptir sjaldan um símanúmer þó það skipti um vinnu og þú getur áfram náð til þess með boði sem á erindi við það.
Með SMS-boðum í Meldu fær gesturinn persónulegan hlekk og meldar sig beint í símanum. Svör úr SMS og tölvupósti safnast á sama gestalistann. Þú sérð hverjir ætla að koma og hverjum gæti þurft að fylgja eftir.
„Ég ætlaði einmitt að renna við.“
Hugsum okkur gest sem hefur meldað sig á opnun á nýjum sýningarsal. Hún ætlar að líta við á leiðinni heim úr vinnunni. Svo dregst síðasti fundur dagsins aðeins og síminn hringir og hugurinn er kominn að kvöldmatnum. Hún keyrir heim. Kynningin rifjast upp þegar hún sest í sófann.
Hún hafði áhuga. Dagurinn dró bara athyglina annað.
Notaðu Meldu til að hjálpa fólki að muna. Gestir geta sett viðburðinn í dagatalið sitt. Þú getur virkjað SMS-áminningu sem fer út sólarhring fyrir viðburðinn og stillt hvenær áminningar í tölvupósti fara út. Á viðburðadeginu getur þú líka birt stuttan pepp-póst á viðburðasíðunni, með upplýsingum um tímann, aðgengi og bílastæðin, og þeir sem ætla að koma (eða svöruðu kannski) fá hann sem áminningu um að mæta.
Gamlir starfsmenn bjóða nýjum með sér
Var fyrirtækið sem þú ert að bjóða að ráða nýja hönnuði? Eða fjármálastjóra sem kemur að ákvörðun um næstu kaup hjá þér? Sá aðili er kannski hvergi á listanum þínum ennþá, af því að þú veist ekki af honum.
Gestirnir þínir vita alltaf betur en þú hverjir úr þeirra teymi ættu að koma. Leyfðu þeim að bjóða öðrum með og segðu það skýrt í boðinu: „Taktu gjarnan með þér samstarfsfélaga sem hefur áhuga.“
Í Meldu getur þú heimilað aukagesti. Ef þú biður um netfang og símanúmer í skráningunni fylgja upplýsingar nýju gestanna með, svo þú getur haft beint samband við þá eftir kynninguna. Þannig færðu bæði tækifæri til að kynnast þeim og leið til að halda samtalinu áfram.
Meðgesturinn gæti verið sá sem velur þjónustuaðilann í næsta stóra verkefni. Kynning frá samstarfsfélaga er góð byrjun á þeim kynnum.
Gott utanumhald gefur þér tíma fyrir fólkið
Viðburðasíða með merki og litum fyrirtækisins tekur á móti gestunum áður en þeir mæta. Þar finna þeir dagskrá, staðsetningu og hagnýtar upplýsingar án þess að þurfa að sækja app eða stofna aðgang. Þú getur spurt við meldingu hjá hvaða fyrirtæki þeir starfa og hvað þeir hafi helst áhuga á að skoða.
Gestalistinn hjálpar þér að áætla veitingarnar. Með QR-innritun getur þú skráð hverjir mættu í raun og eftir viðburðinn átt þú betri grunn að persónulegri eftirfylgni: að senda efnið sem rætt var um eða bjóða í nánari kynningu.
Melda fyrir fyrirtæki hjálpar þér að halda utan um þessa leið, frá fyrsta boði að næsta samtali.
Þú opnar dyrnar. Melda hjálpar fólkinu að rata inn, muna að mæta og taka með sér næsta góða viðskiptasamband.
