Þú stendur inni í tómum salnum daginn fyrir veisluna. Stólunum er staflað upp við vegg, sviðið er á sínum stað, barinn í horninu og einhvers staðar á að vera dansgólf þegar líður á kvöldið. Í hendinni ertu með útprentaða teikningu af salnum frá húsverðinum og kassa af borðaspjöldum. Og nú á að púsla þessu saman: hvar á heiðursborðið að vera, kemst langborðið fyrir án þess að loka leiðinni að barnum, og sér fólkið aftast yfir höfuð upp á sviðið?
Þetta er allt önnur spurning en hverjir eiga að sitja saman: hún snýst um plássið sjálft, metrana á gólfinu. Og þangað til núna hefurðu þurft að leysa það í hausnum, með málbandi og teikningu á A4. Þess vegna erum við búin að bæta salaskipan við inni í Meldu.
Ný leið til að sjá salinn
Efst í sætaverkfærinu eru núna tveir flipar: Yfirlit (gamli, góði kortahamurinn þar sem þú dregur gesti á borð) og Salaskipan, sem er splunkunýr. Salaskipan er rýmið sjálft: teikning af salnum í réttum hlutföllum, séð ofan frá, þar sem þú setur borðin nákvæmlega þar sem þau standa í raunveruleikanum.
Þetta er sami gestalisti og sama sætaskipanin og í yfirlitinu, bara önnur leið til að horfa á hana og raða. Salaskipan er enn í beta, svo hún á eftir að slípast til, en hún er komin og tilbúin til að prófa.
Byrjaðu á að slá inn breidd og lengd salarins.
Teiknaðu salinn í réttri stærð
Þú stillir raunverulegu málin á salnum (breidd sinnum lengd, í metrum eða sentímetrum) og allt er teiknað í réttum hlutföllum. Þriggja metra hringborð lítur út eins og þriggja metra hringborð, og bilið sem þú sérð á skjánum er bilið sem verður á gólfinu.
- Fimm tegundir borða. Hringborð, langborð og kokteilborð fyrir hvaða veislu sem er, heiðursborð fyrir nánasta fólkið og háborð fyrir brúðhjónin.
- Settu upp rýmið í kring. Svið, bar, dansgólf, hurð og svo Hlutur fyrir allt hitt: súlu, blómapott eða hvað sem stendur í veginum.
- Snúðu borðum. Snúðu hvaða borði sem er í rétta stefnu; það smellur í 45 gráðu skref. Nöfn borðanna og sætatalan standa alltaf upprétt og læsileg, sama hvernig borðið snýr.
Nákvæmni þegar þú vilt hana
Þegar salurinn fer að fyllast viltu að hlutirnir sitji beint. Þú getur valið mörg borð í einu og fært þau sem hóp, jafnað þau í línu, dreift þeim jafnt yfir gólfið eða sett nákvæmt bil á milli þeirra, til dæmis 50 cm, svo fólk komist leiðar sinnar með diskana. Það er hjálpargrind sem borðin smella í svo allt haldist í röð og reglu, og þú getur alltaf afturkallað og endurgert ef þú vilt prófa þig áfram.
Veldu tvö borð, stilltu „Bil á milli“ og láttu Meldu sjá um restina.
Leggðu borðin ofan á þína eigin teikningu
Er til teikning af salnum eða félagsheimilinu? Eða náðirðu bara mynd af grunnmyndinni á veggnum? Þú getur flutt hana inn sem bakgrunn undir Teikning, dregið línu yfir vegalengd sem þú veist lengdina á og slegið inn raunverulegu máltöluna. Þá kvarðast myndin í rétta stærð. Svo stillirðu gagnsæið, rennir henni á réttan stað og leggur borðin þín ofan á. Þú ert að raða á raunverulega grunnmynd af þínum sal, í réttum hlutföllum.
Settu gesti á ákveðinn stól
Þegar borðin standa rétt geturðu sest við sjálfa sætaskipanina. Dragðu gest úr gestalistanum beint á ákveðinn stól við ákveðið borð. Hver stóll sýnir upphafsstafi þess sem þar situr, hvert borð er með hring sem sýnir hversu margir eru sestir af heildinni, og þú færð skýra viðvörun ef fleiri gestir lenda við borðið en það eru stólar.
Og þegar allt er komið á sinn stað prentarðu sætakort til að hengja á vegginn og borðaspjöld á hvert borð, eða sækir plönið sem PNG-mynd.
Þetta er beta, og við viljum heyra frá þér
Salaskipan er ný og enn í mótun. Inni í ritlinum er hnappur, Senda endurgjöf, og hann er ekki til skrauts: ef eitthvað vantar, eitthvað hökt eða þig langar í fleiri tegundir borða, þá viljum við virkilega heyra það. Þú getur líka sent okkur línu á melda@melda.is. Þannig verður þetta betra.
Salaskipan kemur ekki í staðinn fyrir kortahaminn, hún situr við hliðina á honum. Sumum finnst þægilegast að raða fólki í yfirlitinu og skoða svo rýmið í salaskipan, öðrum öfugt. Kíktu á hina hliðina á sætaskipan hér ef þú átt eftir að sjá kortahaminn.
Ímyndaðu þér hundrað manna brúðkaup í félagsheimilinu í sveitinni. Þú flytur inn teikninguna frá húsverðinum, kvarðar hana eftir einum vegg sem þú veist lengdina á, og leggur tíu hringborð, háborð og langt heiðursborð þar sem þau eiga að standa, með dansgólf fyrir framan sviðið og nóg pláss að barnum. Þegar planið stendur dregurðu gestina á stólana og prentar sætakort fyrir anddyrið.
Eða árshátíð fyrirtækis fyrir þrjú hundruð manns í stórum sal. Þar snýst þetta minna um heiðursborð og meira um flæði: að langborðin standi bein, að bilið milli raða sé nóg fyrir þjóna með bakka, og að fólkið aftast sjái upp á svið. Þú stillir bilið nákvæmlega, jafnar borðin í línu og sérð allt rýmið í réttum hlutföllum áður en fyrsti gesturinn mætir.
Salaskipan lifir við hliðina á öllu öðru sem þú heldur hvort eð er utan um fyrir viðburðinn, frá gestalistanum að sætaskipaninni sjálfri. Þegar þú ert tilbúin að raða á þinn eigin sal, stofnaðu viðburð í Meldu og opnaðu salaskipan. Það tekur tvær mínútur að byrja.
