Það er gott að koma á fund þar sem allt er klárt. Kaffið á könnunni, skjárinn tengdur og einhver sem tekur brosandi á móti hópnum. Ef þú leigir út fundarherbergi veistu hvað þessi litlu atriði skipta miklu.
Samt fer stundum meiri tími í að ganga frá bókuninni en að undirbúa herbergið. „Er laust á fimmtudaginn?“ „Hvað kostar hálfur dagur?“ „Var þetta örugglega staðfest?“ Allt eðlilegar spurningar. En þær þurfa ekki allar að enda í pósthólfinu þínu.
Bókunarkerfi fyrir fundarherbergi á að létta þessa vinnu. Í Meldu heldur þú utan um lausa tíma, verð og greiðslur og gefur viðskiptavinum færi á að ganga frá bókun sjálfir.
Frá lausum tíma að staðfestri bókun
Með beinbókun velur viðskiptavinurinn fundarherbergi og tíma, sér verðið og greiðir. Tíminn er tekinn frá um leið og bókað er og þegar greiðslan hefur gengið í gegn er bókunin staðfest. Greitt er að fullu eða með staðfestingargjaldi eftir uppsetningu.
Þetta getur gerst á þriðjudagskvöldi þótt móttakan opni ekki fyrr en á miðvikudagsmorgni. Sá sem skipuleggur fundinn getur klárað málið og þú færð bókunina í yfirlitið þitt.
Bókunarvél á heimasíðuna þína
Þú getur sett bókunarvél Meldu á eigin heimasíðu. Þá getur fólk sem er að skoða fundaraðstöðuna líka séð framboð, valið tíma og gengið frá bókun.
Hvort sem þú ert með eitt herbergi eða nokkra fundarsali getur hvert rými haft sitt verð og framboð. Verðlagning getur miðast við klukkutíma, dagpart eða heilan dag. Þú getur líka boðið aukabúnað eða veitingar með bókuninni, svo þarfir hópsins liggi fyrir þegar hann mætir.
Beinbókun þegar hún hentar, samtal þegar þess þarf
Lítill vinnufundur þarf kannski bara borð, skjá og næði. Heilsdagsráðstefna getur kallað á samtal um uppsetningu, mat og séróskir.
Í Meldu getur þú haft beinbókun á fundarherbergjum með skýrum kjörum og tekið við bókunarbeiðnum fyrir sali sem krefjast meiri undirbúnings. Þú velur hvað hentar hverjum sal og setur greiðslu- og afbókunarskilmála.
Meiri tími til að taka vel á móti
Ef þú ert að leita að kerfi fyrir útleigu fundarherbergja er gott að byrja á því sem tekur mestan tíma í dag. Er það að svara fyrirspurnum, senda verð eða halda utan um greiðslur?
Skoðaðu bókunarkerfi Meldu fyrir fundarherbergi og bókaðu kynningu. Við förum yfir hvernig það getur nýst þínum rekstri. Þá getur meira af athyglinni farið í fólkið sem mætir og fundinn sem það kom til að eiga.
